Zero Electricity Bills :
ఈ రోజుల్లో ఏసీ అంటేనే ముందుగా గుర్తుకు వచ్చేది కరెంటు బిల్లు. ఏసీతో కరెంటు బిల్లు తడిసిమోపెడవుతుందని భావిస్తారు. కానీ సోలార్ ఏసీలో కరెంటు బిల్లు జీరో. మరి సోలార్ సిస్టమ్ ఏంటి…? దీని వల్ల ఉపయోగం ఏంటి ? కరెంటు బిల్లు ఎంత వస్తుందో పూర్తి వివరాలు తెలుసుకుందాం.
వేసవి కాలంలో పెరిగే విద్యుత్ బిల్లుల నుండి ఉపశమనం పొందేందుకు భారత ప్రభుత్వం ‘పీఎం సూర్య ఘర్ ముఫ్త్ బిజిలీ యోజన’ను ప్రవేశపెట్టింది. ఈ పథకం ద్వారా ఇంటి పైకప్పుపై సోలార్ ప్యానెల్స్ ఏర్పాటు చేసుకుని, ఏసీ వంటి భారీ విద్యుత్ ఉపకరణాలను తక్కువ ఖర్చుతో లేదా ఉచితంగా ఎలా వాడుకోవచ్చో తెలుసుకుందాం.
పథకం ముఖ్య ఉద్దేశ్యం:
ఈ పథకం ద్వారా దేశంలోని ఒక కోటి గృహాలకు నెలకు 300 యూనిట్ల వరకు ఉచిత విద్యుత్తును అందించాలని ప్రభుత్వం లక్ష్యంగా పెట్టుకుంది. దీనికోసం గృహ వినియోగదారులకు సోలార్ ప్యానెల్స్ ఏర్పాటుపై భారీ రాయితీ (Subsidy) కల్పిస్తోంది.
సబ్సిడీ వివరాలు:
- కేంద్ర ప్రభుత్వం సోలార్ ప్యానెల్స్ సామర్థ్యాన్ని బట్టి సబ్సిడీని అందిస్తుంది:
- 1 kW ప్లాంట్: రూ.30,000 సబ్సిడీ.
- 2 kW ప్లాంట్: రూ.60,000 సబ్సిడీ.
- 3 kW లేదా అంతకంటే ఎక్కువ: గరిష్టంగా ₹78,000 వరకు సబ్సిడీ లభిస్తుంది.
ఏసీ నడపాలంటే ఎంత సామర్థ్యం గల ప్యానెల్స్ కావాలి …
మీరు ఇంట్లో ఒక ఏసీని సోలార్పై నడపాలనుకుంటే కనీసం 3 కిలోవాట్ల (3kW) సోలార్ సిస్టమ్ను ఏర్పాటు చేసుకోవడం మంచిది. ఇది రోజుకు సుమారు 12-15 యూనిట్ల విద్యుత్తును ఉత్పత్తి చేస్తుంది. ఇది ఏసీ, ఇతర గృహ అవసరాలకు సరిపోతుంది.
సోలార్ ఏసీ (Solar AC) పనితీరు :
- సాధారణంగా ఏసీలు ఎక్కువ విద్యుత్తును వినియోగిస్తాయి. మీరు సోలార్ ప్యానెల్స్ ఏర్పాటు చేసుకుంటే:
- పగటిపూట: నేరుగా సౌరశక్తితో ఏసీని నడపవచ్చు.
- రాత్రిపూట: గ్రిడ్ ద్వారా వచ్చే విద్యుత్ లేదా సోలార్ బ్యాటరీల ద్వారా ఏసీని వాడుకోవచ్చు. దీనివల్ల వేసవిలో వచ్చే భారీ విద్యుత్ బిల్లులు దాదాపు జీరో అవుతాయి.
దరఖాస్తు చేసుకోవడం ఎలా ?
- అధికారిక వెబ్సైట్ మాత్రమే సందర్శించాలని గుర్తించుకోండి. నకిలీ వెబ్ సైట్లను సందర్శించి మోసపోకండి.
- మీ రాష్ట్రం, విద్యుత్ పంపిణీ సంస్థ (DISCOM) పేరు, కన్జ్యూమర్ నంబర్తో రిజిస్టర్ చేసుకోండి.
- ‘Rooftop Solar’ కోసం దరఖాస్తు సమర్పించండి.
- ప్లాంట్ ఇన్స్టాలేషన్ పూర్తయిన తర్వాత నెట్ మీటరింగ్ ప్రక్రియ ముగిశాక సబ్సిడీ నేరుగా మీ బ్యాంక్ ఖాతాలో జమ అవుతుంది.
అర్హతలు :
- దరఖాస్తుదారు భారతీయ పౌరుడై ఉండాలి.
- స్వంత ఇల్లు, సోలార్ ప్యానెల్స్ ఏర్పాటుకు తగినంత స్థలం (పైకప్పు) ఉండాలి.
- చెల్లుబాటు అయ్యే విద్యుత్ కనెక్షన్ ఉండాలి.
ఈ పథకం ద్వారా కేవలం ఉచిత విద్యుత్ మాత్రమే కాకుండా, పర్యావరణానికి మేలు చేసే సౌరశక్తి వినియోగాన్ని పెంచవచ్చు. ఏసీలు ఎక్కువగా వాడే వారికి ఇది ఒక గొప్ప వరం లాంటి పథకం.
