ఉద్యోగుల భవిష్య నిధి సంస్థ (EPFO) మార్చిలో 2025-26 ఆర్థిక సంవత్సరానికి ఉద్యోగుల భవిష్య నిధి (EPF)పై 8.25% వడ్డీ రేటును యథాతథంగా కొనసాగించింది. కానీ కొత్త ఆర్థిక సంవత్సరం (2026-27) ప్రారంభమై ఇప్పటికే రెండు నెలలు గడిచినా, తమ EPF ఖాతాలలో వడ్డీ ఇంకా జమ కాకపోవడంతో చాలా మంది ఈపీఎఫ్ చందాదారులు వడ్డీ కోసం ఎదురు చూస్తున్నారు. వడ్డీ జమ చేయడంలో ఇంతటి జాప్యం వల్ల తాము కొంత నగదును కోల్పోతామేమోనని చాలా మంది ఆలోచించడం మొదలుపెట్టారు.
EPFO : భారత ప్రభుత్వం వడ్డీ రేటును అధికారికంగా తెలియజేస్తుందని, ఆ తర్వాత EPFO ఆ వడ్డీ రేటును చందాదారుల ఖాతాలో జమ చేస్తుందని పత్రికా ప్రకటనలో పేర్కొన్నారు. అయితే ఈపీఎఫ్ వడ్డీని జమ చేసేందుకు ఈపీఎఫ్వో ఎటువంటి నిర్దిష్ట తేదీని ప్రకటించలేదు.మీ ఈపీఎఫ్ వడ్డీ ఇంకా జమ కాకపోతే సాధారణంగా ఆందోళన చెందాల్సిన అవసరం లేదని BankBazaar.com CEO అధిల్ శెట్టి ఈటీ వెల్త్ ఆన్లైన్కు తెలిపారు. ఆర్థిక సంవత్సరం ముగిసిన వెంటనే ఈపీఎఫ్వో వడ్డీని జమ చేయదని, ఎందుకంటే ఈ ప్రక్రియలో ప్రభుత్వ ఆమోదం, ఖాతాల సయోధ్య, లక్షలాది సభ్యుల రికార్డులను అప్డేట్ చేయడం వంటివి ఉంటాయని, వీటికి చాలా వారాలు పట్టవచ్చని శెట్టి చెప్పారు.
8.25% EPF వడ్డీ రేటును ఎప్పుడు ప్రకటించారు?
EPFO : మార్చి మొదటి వారంలో 2025-26 ఆర్థిక సంవత్సరానికి ఈపీఎఫ్ వడ్డీ రేటును 8.25% వద్దే కొనసాగిస్తామని ఈపీఎఫ్వో ప్రకటించింది. కార్మిక,ఉపాధి మంత్రిత్వ శాఖ మార్చి 2, 2026న ఒక పత్రికా ప్రకటనలో ఇలా పేర్కొంది: “తగిన చర్చల అనంతరం 2025-26 ఆర్థిక సంవత్సరానికి సభ్యుల ఖాతాలలో జమ అయిన EPF మొత్తాలపై 8.25% వార్షిక వడ్డీ రేటును జమ చేయాలని CBT సిఫార్సు చేసింది.” అని పేర్కొంది.
EPFO : 2025-26 ఆర్థిక సంవత్సరానికి ఈపీఎఫ్ డిపాజిట్లపై 8.25% వడ్డీ లభిస్తుంది. మీ పాస్బుక్లో ఎంట్రీ ఇంకా కనిపించకపోయినా, అర్హత ఉన్న బ్యాలెన్స్లపై వడ్డీ జమ అవుతుంది. సభ్యులు తమ ఈపీఎఫ్ పాస్బుక్లో ‘Int. Updated up to 31/03/2026’ అని గుర్తించిన అప్డేట్ కోసం ఎప్పటికప్పుడు తనిఖీ చేసుకోవాలి. చాలా సందర్భాలలో ఇది కనిపించడంలో ఆలస్యం అవుతుందని భావించవద్దని, సభ్యునికి రావలసిన వడ్డీ మొత్తాన్ని ప్రభావితం చేయదని అన్నారు.
EPFO : 2025 సంవత్సరంలో వడ్డీ ఎప్పుడు జమ చేశారు?
EPFO : 2025 లో చాలా మంది ఈపీఎఫ్ సభ్యులకు జూన్- జూలై నెలల్లో వారి వారి ఖాతాలకు వడ్డీ జమ చేశారు. గతంలో వడ్డీ సెప్టెంబర్,అక్టోబర్ నెలల్లో జమ చేసేదని, ఇప్పుడు ఈ ప్రక్రియ వేగవంతమైందని నిపుణులు అంటున్నారు. అయితే, ఈసారి ఇది జూన్, జూలై నెలల్లో జమ కావచ్చు. ఏదేమైనా, ఈపీఎప్ వడ్డీ జమ అయ్యే అసలు తేదీ ప్రభుత్వ నోటిఫికేషన్ తర్వాతే తెలుస్తుంది. ఈపీఎఫ్వో వడ్డీని జమ చేసినప్పుడల్లా అది మీ EPF బ్యాలెన్స్లో కనిపిస్తుంది. అందుకే దాని కోసం మీరు మీ ఈపీఎప్ బ్యాలెన్స్ను తనిఖీ చేస్తుండాలి. ఈ బ్యాలెన్స్ను ఉమాంగ్ యాప్ను ఉపయోగించడం ద్వారా, ఈపీఎఫ్ సభ్యుల ఇ-సేవా పోర్టల్ను సందర్శించడం ద్వారా, మిస్డ్ కాల్ ఇవ్వడం ద్వారా, SMS పంపడం ద్వారా కూడా తెలుసుకోవచ్చు.
